اسلام آباد، پنجاب، بالائی خیبر پختونخوا اور آزاد کشمیر میں آج کچھ مقامات پر بارش کا امکان ہے۔
ملک میں مون سون کا سلسلہ جاری ہے جس کے باعث مختلف علاقوں میں بادل برس رہے ہیں۔ صبح کے وقت لاہور کے کئی علاقوں میں ہلکی بارش سے موسم خوشگوار ہو گیا۔
محکمہ موسمیات کے مطابق آئندہ 24 گھنٹوں میں کراچی کا مطلع ابر آلود اور موسم مرطوب رہنے کا امکان ہے، جبکہ صبح اور رات کے اوقات میں چند مقامات پر بوندا باندی یا ہلکی بارش ہو سکتی ہے۔
شہرِ قائد میں کم سے کم درجہ حرارت 27 ڈگری سینٹی گریڈ ریکارڈ کیا گیا، جبکہ زیادہ سے زیادہ درجہ حرارت 32 سے 34 ڈگری سینٹی گریڈ رہنے کا امکان ہے۔
ہوا میں نمی کا تناسب 67 فیصد ہے اور جنوب مغرب سے چلنے والی سمندری ہواؤں کی رفتار 20 سے 25 کلومیٹر فی گھنٹہ ریکارڈ کی گئی ہے۔